कतारले विश्वकप आयोजक छनोटका लागि घुस दिएको आरोप

0
88

बर्लिन, असार १३ । कतारले विश्वकप फुटबल आयोजना गर्ने जिम्मेवारी लिन आर्थिक चलखेल गरेको दाबीसहितको एक प्रतिवेदन सार्वजनिक भएको छ ।जर्मनीको ‘बिल्ड’ नामक पत्रिकाले सन् २०२२ को विश्वकप आयोजक राष्ट्र छनोटका क्रममा आर्थिक चलखेल भएको प्रमाणसहितको प्रतिवेदन आफ्नो हात लागेको दाबी गरेको छ । विश्व फुटबल महासंघ (फिफा)का पूर्व छानविनकर्ता माईकल गार्सियाले तयार पारेको भनिएको गोप्य प्रतिवेदन जर्मन पत्रिकाले सार्वजनिक गरेको हो ।
फिफामा भएको भ्रष्टाचारबारे छानविन गर्ने जिम्मेवारी पाएका अमेरिकी वकिल गार्सियाले नेतृत्वसँग असहमति जनाउँदै सन् २०१४ मा राजीनामा दिएका थिए । जर्मन पत्रिकाले दाबी गरेअनुसार कतारलाई विश्वकप फुटबल आयोजना गर्न दिँदा भएको मतदानपूर्व कतारी अधिकारीहरुले फिफा पदाधिकारीलाई घुस दिएका थिए ।

फिफाका एक उच्च अधिकारीकी छोरीलाई कतारी अफिसियलहरुले २० लाख अमेरिकी

डलर घुस दिएको जिकिर प्रतिवेदनमा गरिएको छ ।पछिल्लो समाचारले विश्वकप फुटबल आयोजना गर्ने कतारको योजनालाई नोक्सानी पु¥याउने अनुमान गरिएको छ । कतारले विश्वकप आयोजनाको जिम्मेवारी पाएदेखि नै केही युरोपियन तथा अमेरिकी देशहरुले विरोध गरिरहेका छन् ।पछिल्लो पटक खाडी मुलुकहरुसँग कतारको सम्बन्ध बिग्रनुलाई पनि यसैको एउटा राजनीतिको रुपमा समेत ब्याख्या गरिएको छ ।everestdainik

SHARE